李居明破格掀搶飛潮 唱出毛澤東心聲

玄學大師李居明、藝人呂珊及粵劇名伶龍貫天，昨日出席粵劇舞台劇《共和三夢》記者會，宣布12月將舉行6場演出。雖然外界擔心第四波疫情，但李居明承諾即使沒觀眾亦會演出及如常出糧給員工。

演藝界明年2月起飛

問到對疫情的預測，李居明直言現階段是全世界最惡劣時期，但下月初就會突然好轉，下月中內地、澳門及新加坡更大有機會通關，又表示：「藝人喺明年2月到5月會好旺場，香港同中國會全面興盛，中美貿易仍然有鴻溝。疫情即使冇問題，都會陪住我哋一段長時間，直至9月有穩定疫苗推出。」

疫情反覆，但李居明承諾不會取消演出。

首演粵劇的呂珊，直言又驚又喜。

此外，李居明率先透露劇中有兩段備受爭論的內容，包括毛澤東在文革前的心路歷程及對港評論，他說：「戲中開場時毛澤東出場，講文革前夕佢去衡山搵瞎子仙摸骨問卦，舞台上首次用粵曲唱出毛澤東心聲及對文革睇法，都幾震撼。而完結前，講毛澤東為香港人題字，題咗六個字：『香港如此多嬌』，又會講到佢對香港回歸後好獨特嘅評論，個評論會用粵劇表達，裏面講到香港嘅今日同明天係點。其實呢個係政治預言劇，裏面根據歷史事實加以串連，所以未映先轟動，依家搶飛搶得好勁。」

呂珊壓力變動力

至於首次演粵劇的呂珊笑言既開心又驚慌：「唔知點處理，所以當初冇乜信心，我係『牛奶仔』，慢慢學習到專業水準。師傅畀咗劇本我練，但之後改晒，加大咗壓力，但都變成動力，我會盡力而為。」