森美呻「爸爸之苦」當囡囡係女神咁拜
藝人森美與太太結婚20年，育有17歲兒子及14歲女兒，雖然英國留學的兒子於疫情期間返港，可是子女已長大不再撒嬌，日前他接受專訪時自爆「爸爸之苦」：「每日見面嘅時間只係早上沖咖啡、靜思同食完飯打機，之後就會各自返房。」問到將來子女成家可會更感失落？他坦言已開始調節心理，以不同方法跟仔女相處，現時會視兒子為朋友，以傾偈方法作溝通，相反囡囡則要出動「追女招」，他心碎說：「佢直情避開我啦！依家對個女好似追女仔咁又氹又讚，要對佢做好多好嘅嘢。」
至於夫婦相處，森美笑言雖然經常讚太太靚，但關係非外界所指般恩愛：「之前都係怨侶一樣，會講句說話寸吓對方，成日話對方攤喺度冇嘢做。」還踢爆太太嫌危險，不喜歡他與張繼聰等好友揸電單車，後來改揸「綿羊仔」辯稱用來買餸才避過「禁揸令」。