連詩雅搵關智斌攝時間

藝人關智斌與連詩雅昨日在銅鑼灣出席美容院剪綵，兩人皆指是疫情後首個公開活動，關智斌說：「感覺既熟悉又陌生，好懷念，希望疫情快啲受控，大家都多啲工作。」他認為香港人最厲害的是求變，例如轉型網上拍片，而他亦學習攝影，近期除了錄音、拍戲，稍後還會拍攝電視劇。

冇拍拖做運動

連詩雅閒時則喜歡戶外運動，例如行山、跑街，問到可有相約男友陳家樂同行？她笑說：「多數都係自己一個。（男友好忙？）邊個呀。」她又借關智斌解圍，笑言相約一齊做運動，關智斌笑說：「好呀，我真係好得閒，又鍾意做運動，你唔約我真係嬲嬲哋，多啲人好玩啲嘛。」

工作行先唔慶祝

連詩雅被問到陳家樂生日將至，拍拖後首個生日會怎樣慶祝？她即面紅紅笑說：「係咩，冇留意喎，呢排好忙要錄音，又要試《金宵大廈2》造型。（唔同佢慶祝？）唔講喇，做完晒工作先算。」關智斌不斷為連詩雅護航笑說：「日日都有人生日（口架）啦，我同家樂做生日囉。」