呂慧儀論盡傷手 「蟹籽」呵番

藝人呂慧儀、劉丹、滕麗名、湯盈盈、單立文及阮政峰等，昨日出席無綫處境劇《愛．回家之開心速遞》「金秋盛宴」活動。呂慧儀孖劉丹受訪，提到本報大爆有內地親子真人騷邀劉愷威與囡囡「小糯米」演出，但楊冪極力反對，劉丹表示：「其實唔止媽咪，我個仔都反對，佢唔想個女參加節目曝光。（孫女有冇表演欲？）麻麻，有時學校同成班同學仔一齊玩就冇所謂。」至於呂慧儀笑言下廚時弄傷手指，自嘲是「論盡媽咪」，幸好有囝囝「蟹籽」錫番。他們又透露「小糯米」與「蟹籽」同年，但從未見面，希望將來有機會一起玩，更打趣表示可以對親家！