Bob嫂擺陣幫老公催運
藝人林盛斌（Bob）太太黃乙頤被形容為「多功能太太」，除了是玄學家，當年因為二女有濕疹，她自製母乳番梘，去學芳香及自然療法成為芳療師，在家更要照顧老公及四個小朋友。
Bob嫂生孻仔前曾經小產，她說：「四仔其實係第五胎嚟。」第四胎佗了七周時，因突然出血而小產，當時她比老公冷靜，還安慰他說：「如果『佢』要返嚟就會返。」結果11月小產，12月就真的有了，她說：「我都同Bob講，真係會返嚟o架！」
由於疫情關係，她坦言老公最搵錢的司儀工作全數取消，他的心情當然受影響，問可有為老公擺陣？她說：「係想令人開心啲，人開心啲，諗嘢都正面啲。（有冇疫情陣？）健康、財富、運氣都有齊。」