尚羚 爆老公想彈結他陪產
馬來西亞環球小姐冠軍兼歌手尚羚（Sherine）昨日挺住巨肚，在樂手老公阿正的貼身照顧下舉行產前最後一次的活動，為唱片宣傳。她透露腹中是囡囡，乳名叫「豆豆」，預計10月底入院產女，又表示不選擇返家鄉生B全因「嫁雞隨雞」，自己也住了香港快17年，算是半個港人。雖然B女未出世，但夫婦已計劃好未來：「想囡囡學彈琴，我唱歌、老公彈結他，組成小型樂隊，老公想帶埋結他入院，不過被拒絕。」
Sherine笑指因疫情延期出碟及取消開騷，更曾滯留在馬來西亞長達三個多月，所以現時專心改Plan「Baby Project」，問到可擔心老公日後錫晒囡囡？她即「投訴」：「佢依家已經偏心！好緊張BB，但係件好事，唔應該妒忌。（聽你啲歌胎教？）古典音樂多，心情都平靜啲。」