夫妻小別一個月 王敏奕學揸槍

藝人黃又南、蘇麗珊及王敏奕等前晚出席電影首映禮，王敏奕透露丈夫曾國祥將到內地工作，要小別最少一個月：「佢已經儲埋幾個Job先去。（陪佢去？）唔得，我有嘢做。」她將拍攝無綫新劇，預計要拍4個月，但暫時一切保密，只透露拍檔有黃智雯和袁偉豪：「今次有動作場面，過兩日仲要上堂學槍械。（老公畀意見？）佢有提醒我小心。」
王敏奕對新劇詳情保密。
王敏奕對新劇詳情保密。

而電影男女主角黃又南及蘇麗珊近日不約而同搬屋，又南表示最難「斷捨離」，用品多達120箱：「好似由出道至依家嘅劇本都有儲埋，仲有自己嘅CD，全部好有紀念價值。搬屋時發現陳果寫畀我嘅嘢，可以砌成幅畫，我終於掛咗喺牆上喇！」而他透露今次搬屋全因業主賣樓：「我都考慮咗好耐，決定搬大啲，雖然租貴，但係推動自己努力工作嘅原動力！」蘇麗珊則表示最不捨得是別人寄來的明信片：「依家好少人寄信嘛！（情信咪仲唔捨得？）過咗去反而會掉。」

黃又南與蘇麗珊近日忙搬屋事宜。
  • 黃又南與蘇麗珊近日忙搬屋事宜。