陳煒嘆拖太耐 打亂部署
今屆亞姐爆退選潮，擔任評審的劉美娟直言不知情。有佳麗擔心收不到入圍獎金1萬元，問到劉美娟會否都擔心收不到酬金？她說：「今次邀請我做評審係一間製作公司，佢哋一早畀咗我。」又指雖然香港賽區決賽改期，但對其工作沒有影響。
前亞姐冠軍陳煒受訪時坦言若賽事時間拖得太長，令部分佳麗卻步，退選是可以理解：「因為選美其實都幾在於嗰一刻（想去參選）嘅衝動！如果拖得太耐、熱情冷卻，同埋打亂咗自己部署好想去做嘅嘢而考慮退選，都係無可厚非，但我覺得唔會有人為咗1萬蚊而去選美！」首屆亞姐冠軍黎燕珊則指不太清楚現今亞姐的發展動向，所以不方便評論事件。