男家過大禮 何雁詩姊妹鬥搶
歌手何雁詩將於11月7日和鄭俊弘（Fred）簽字結婚及擺喜宴，昨日進行過大禮儀式。她接受訪問時表示：「過大禮過程成兩個鐘，都好開心呀，雖然我同Fred較西化，但阿爸、阿媽係好傳統嘅人，所以做足儀式，仲請埋大妗姐嚟講恭賀說話。」
她除了收到Fred所送的鮑魚、花膠、冬菇等海味外，還有椰子、嫁女餅、金豬鏈及龍鳳鈪，她又爆：「阿爸好滿意Fred啲禮物，仲話養咗我咁多年，終於有咁多禮物收。（你有冇開心到喊？）我冇，但蔡思貝就感動到喊，我都祝佢快啲結婚。班姊妹玩得好開心，佢哋不停搶嫁女餅，祝我連生貴子。（Fred使咗幾多錢？）我都想知，但我只見佢簽支票咋。」
問到婚宴將至，心情是否緊張？她說：「都開始緊張，因為疫情關係，我同Fred有好多嘢要傾，要set定Plan A同Plan B。（心急生BB？）順其自然，我同Fred都鍾意小朋友。」