唐詩詠追星慘痛銀包都冇埋
視帝馬德鐘與視后唐詩詠首度結劇緣，因雙方有共同興趣，開工首日已有親切感，毋須時間磨合。詩詠於劇中視德鐘為偶像，自爆年幼時也曾陪朋友追天王郭富城的車尾，不過途中遺失銀包，此後不再當追星族。
唐詩詠前晚為無綫新劇《我家無難事》開工，拍攝一場拯救「偶像」馬德鐘的戲份，為劇中二人的感情線揭開序幕。詩詠一直恨與馬德鐘合作，笑指沒想到首日開工二人已有默契，不用花太多時間磨合，加上有共同話題，例如素食、做運動，不用埋位時更加講不停。馬德鐘亦指開工一星期，與一眾演員相處愉快。
「甩底」嚇親愛貓
談到追星經驗，詩詠透露年幼時非常喜歡四大天王，曾於小學階段陪過朋友追星：「有次喺商場見到郭富城，之後個朋友突然大叫『追』，我就跟住佢追住架車跑，結果銀包都唔見埋，之後我決定唔再陪佢喇！」提到日前上載愛貓流淚照，詩詠表示愛貓接受絕育手術，但當日有事未能相伴，結果愛貓以為自己被遺棄：「我爸爸陪住佢，但佢全程都好嬲，本來諗住返去氹番佢，點知佢見到我又唔嬲喎！」
催吳卓羲結婚
與兒子馬在驤合作拍劇的馬德鐘，對於老友林峯近日榮升爸爸，他笑說：「有見過相，第時應該會好高，個樣兩個都似。依家成班朋友都成家立室，有晒小朋友，係我個仔太大啫！（仲差邊個未結婚？）吳卓羲囉！依家佢大咗會定性，又事業有成，應該好快。」