陳凱琳湊兩件落閘拒拍劇
女神倪晨曦「卸貨」在即，但仍未停工安胎，早前就孖住前港姐陳凱琳拍片下廚。陳凱琳講起老公鄭嘉穎即甜絲絲，大讚另一半對她呵護備至：「佢係好傳統嘅Family Man，覺得人生最幸福就係有家庭，所以結婚之後好快計劃生小朋友。有次佢問我第二日有咩做，我話冇，佢就話：『咁你聽日留喺屋企，Book咗個按摩師上嚟同你按摩。』」
問到會選擇家庭還是事業？陳凱琳坦言事業心大減：「生完第一個仲好有熱心出嚟拚搏，生完第二個就冇可能，因為好忙，唔想為私心忽略佢哋。有時出嚟半日影嘢個心已經囉囉攣，所以唔可以拍劇。」