吳業坤自認寸嘴做「獨家村」
歌手吳業坤近日推出音樂節目與不同歌手Crossover，繼謝雅兒及馮允謙後，坤坤親自邀請樂隊Zpecial擔任嘉賓，改編合唱新歌《原始心態》。Zpecial主音Eddy笑言首次合作有點尷尬，要多些交流︰「將我哋玩開嘅電子元素放入去，當音樂實驗咁展現我哋把聲。」
坤坤大讚改編了的《原》曲︰「自己好鍾意新嘗試，所以呢個計劃係可持續發展，又可以互相認識大家嘅Fans，咁樣嘅資源分享係好事嚟。」問到是否Rock得起，加入樂隊做第5位成員？坤坤笑說︰「入去做咩好？唔得呀，唔好搞我，我係獨行俠嚟(口架)！好寸(口架)！」至於問到Zpecial之後出新歌會否邀請對方合作，坤坤即搶答︰「我唔得閒喎，但唔得閒都會做嘅！」引來全場笑聲。