美國男歌手John Legend的模特兒妻子Chrissy Teigen不幸流產，大受打擊的她撰文表示感受到前所未有的痛苦！
今年34歲的Chrissy 8月時宣布懷上第三胎，但因胎盤太弱持續出血，上周日入院治療，她曾透露目前大概是孕期的一半。可惜胎兒最後保不住，她於社交網上載兩公婆於醫院痛哭相擁的黑白照。
Chrissy留言：「我哋好震驚，感受到嗰種之前只係聽聞過嘅深切痛苦。我哋停止唔到流血、畀BB佢需要嘅液體，即使已經輸咗一包又一包嘅血，始終係唔夠。」與John已育有4歲女兒Luna及2歲兒子Miles的Chrissy透露，為離世的兒子取名Jack：「我哋向來會等BB出世後先會為佢哋改名，不過今次唔知點解，呢個細蚊仔仲喺肚入面時，就開始叫佢Jack。所以佢對我哋嚟講永遠都係Jack。Jack好努力咁想成為我哋小家庭嘅一分子，而佢永遠都會係。」