藝人楊潮凱昨日在社交網透露遺失銀包，希望有心人拾獲可交還給他：「中秋節先嚟唔見銀包。如果好心人執到嘅話，請拿到將軍澳中心保安室或將軍澳警署。已向警方報失。」
昨日楊潮凱接受電話訪問時表示：「我將囡囡放喺Car Seat，銀包放車頂，醒唔起放車頂，我估過壆時跌咗落地，5至10分鐘後發現唔見銀包，返轉頭已經冇咗！問咗管理處，話冇人執到，翻查CCTV，但個CCTV唔Work，已經報警。個銀包好有紀念價值，係朋友親手做畀我。」