陳茵媺網上講故事 被投訴要重讀
「靚媽」陳茵媺前晚在網上讀繪本，鼓勵小朋友勇敢面對問題。雖然她繪聲繪形講故事兼唱歌，但因技術問題有回音，嚴重破壞氣氛。網民留言投訴後，突然有聲音插入，陳茵媺被要求重讀一次故事書。
未知是否久未亮相螢光幕，她的廣東話退步不少，問答環節幾乎全程用英語，更將「中秋團圓」講成「團團結結」。她又自爆親子活動：「我個仔6個月嘅時候，我已經畀佢學倒水，佢倒到成枱都係，但呢個係好嘅練習，同埋我發現畀小朋友參與烹調，會提高佢哋對食物嘅興趣。」
雖然要照顧3位小朋友，但她亦會享受人生：「朝早點都會飲咖啡，我好鍾意敷面膜同浸泡泡浴。當然有計劃演戲，希望出年會有新作品。」談到老公陳豪，她冧爆說：「我哋唔係一見鍾情，係好自然咁發展，從友情開始發展為戀人。」