廖慧儀男友開名警告孔德賢

有「狂野空姐」之稱的廖慧儀與大隻男友Sam感情穩定，不時在社交網放閃。但近日有傳她與無綫節目《#後生仔傾吓偈》主持孔德賢（Danny）撻着，疑似二人對話截圖曝光，兩人除了不時約會食飯，Danny更做司機管接管送，還以「Bae（寶貝）」稱呼廖慧儀，令「正印」Sam嬲爆在社交網公開Tag了Danny，嚴重警告對方：「不要再找我女朋友！」Sam近期亦發文表示情緒崩潰、鬱悶、壓抑感很重，似受情困。

百分百信女友

廖慧儀昨日受訪時強調與Sam的情侶關係沒變，與Danny只是好朋友。對於男友開名「警告」Danny，她說：「佢飲醉咗，誤會嚟。（男友仲好嬲？）冇嘢喇，已經解決。（少啲見Danny避嫌？）唔會，我哋係好朋友，Sam依家明白咗，唔會介意。」

Sam受訪時亦與女友口徑一致，強調感情很好，產生懷疑是他的問題：「佢哋冇拍拖，只係普通朋友，對話截圖亦只係正常交談。我對女朋友百分百信任，佢唔會做任何對唔住我嘅事。」至於被指做第三者的Danny「封嘴」不回應。另外，廖慧儀與男友昨日分別網晒到商場拍拖的照片，以行動粉碎情變傳聞。