黃建東惡搞王君馨MV 差啲扭親
喜愛二次創作搞笑片的藝人黃建東（東東），趁中秋節惡搞好友王君馨新歌，製作成搞笑版《豬扒咪亂試》，已有一段時間沒有「新作」的東東，今次穿上浴袍綁住雙手在床上典來典去，期間又伸脷，意態撩人，及後突然拿出豬手大啖咬，非常爆笑！
他說：「因為君馨個MV着住泳衣又瞓床瞓沙灘好Sexy，製作超認真，所以特別Book咗錄音室錄歌同埋酒店拍攝，仲第一次填詞，就算二次創作都唔敢怠慢，不過要喺咁狹窄嘅地方大動作跳舞，又揈頭又拗腰，真係差啲扭親！但最開心係片尾時君馨驚喜現身親自教授舞步，希望藉條片祝大家中秋節快樂！」
