黎耀祥辛酸史 1個月開得1日工
視帝黎耀祥與阮兆祥近日於主持節目《雙祥見》大談入行以來辛酸日子，黎耀祥指當年離開電視台非順風順水，因正值電影圈低迷，試過一個月僅開工一天：「嗰時成日去屋苑樓下泳池游水，又唔知可以做乜，無能為力，做呢行真係好無助，演員好被動，惟有叫自己唔好諗太多，後來就決定返電視台工作先回復穩定。」
而自小喜歡唱歌的阮兆祥，當年參加歌唱比賽得獎後獲簽歌手合約，惟每月底薪僅得500元，對當時有拍拖的他來說完全不夠用：「怕人哋質疑係咪可以放心將個女付託畀我，於是就去見銀行工，但一個月後就知自己唔適合，之後都繼續扮返工，其實每日喺街上流連，搵啲唔使用錢同最平飯盒捱過嗰段日子，就係咁維持咗兩個月。」