陳婉衡驚爆同男友冷戰！
藝人陳婉衡前晚偕鞏姿希出席電影首映禮，冒着黃、紅和黑雨，惟未見男友相伴，她初時說男友忙，後來才承認正在冷戰：「媽咪返加拿大，一家人提早食飯過節，佢本來嚟，不過唔好提喇！要冷靜吓！（講出嚟男友會唔開心？）死啦！講咗喎！情侶唔會唔嗌交，嗌交會令雙方更了解。」她表示與男友拍拖半年，因經常煮飯仔，吃胖了5kg，現時正好趁冷戰期做健身減磅。
同場還有藝人袁嘉敏、林雅詩、楊埕、關伊彤和Kawaii等，袁嘉敏稱近幾個月不時拍片放上網，試過日吸200萬人次瀏覽，有意大利品牌邀合作設計首飾外，又有很多內地中介邀請返內地拍戲，但她因找不到合適男助手，狂推工作損失幾十萬人民幣，她說：「搵唔到男助手陪我喺大陸隔離檢疫，想搵個樣惡嘅，呢幾年返大陸30幾次，每次都有驚險事發生，試過架車黑暗中奔馳，好黑嘅環境我一定要有男人陪。」現時單身的她，期望今年能找到男友。