江伊晴孖老公慶生 甜蜜到「嘔」

女星江伊晴（Elanne）昨日33歲生日，與老公蕭唯展（Oscar）前晚在酒店慶祝，Oscar除了悉心用氣球布置酒店房間，更安排與老婆撐枱腳食浪漫晚餐，Elanne在社交網上載向老公獻吻的合照，冧爆留言：「有人話，我最好嘅生日禮物就係佢永遠都咁錫我，其他人講我未必信，但出自佢口我一定信！睇到呢度你哋應該好想嘔，生日簡簡單單一餐飯已經好滿足啦！最後祝自己33歲生日快樂，開開心心，繼續做正能量少女。」
老公悉心布置酒店房間，江伊晴勁冧。
老公悉心布置酒店房間，江伊晴勁冧。

至於Oscar上載浸浴相，發文祝老婆生日快樂：「平日唔梳頭嘅我，今日冇帶Gel，護髮素Gel頭頂住先，你永遠簡單美麗，你快樂所以我快樂。」

江伊晴向蕭唯展獻吻。
  • 江伊晴向蕭唯展獻吻。