女星陳嘉桓擔任美容代言人，昨日激罕真空上陣拍廣告，大騷激凸身材，又露長腿兼美背，吸睛度爆燈。她興奮表示代言酬勞近7位數字，又可乘機搣甩肚腩、副乳及雙下巴，可以放心繼續行性感。問到男友可批准性感打扮？她即反問︰「邊有男朋友？一路都係一個人，朋友就大把。（緋聞男友黃宗澤？）朋友，冇乜聯絡，有朋友約我食大閘蟹，但都冇食。」記者笑指黃宗澤開蠔吧，叫嘉桓改食生蠔，她即耍手擰頭說︰「減肥唔好食咁多生冷嘢。（唔熟唔食？）食物食熟嘅好啲！」
