呂方勉勵歐信希永不放棄

呂方自認以前木獨又自閉，歐信希則笑呂方高傲，卻受女粉絲歡迎，呂方笑言：「佢哋鍾意我冇辦法嘅！」又指高低起跌是人生定律：「我好彩攞到比賽冠軍，可能喺呢個年代攞唔到。」俞詠文即說：「應該都係你攞！」他開心笑說：「我都有信心嘅。」

歐信希大讚呂方有師兄風範，非常佩服對方。近日翻唱張國榮經典歌《默默向上游》的他表示，自己對唱歌從不氣餒：「一路都鍾意唱歌，就算有唔如意或失意，我都同自己講唔緊要，前面條路一定可以行到。」呂方亦感同身受，直言到自己這個年紀，高高低低已無所謂，不會與人比較，更勉勵歐信希要永不放棄。

升呢老竇嗌幸福

提到呂方榮升人父，推翻過往不婚不生說法，他說：「你之前講嘅嘢，唔代表你以後都係咁。見到朋友嘅BB，我好似變咗金魚佬！朋友問我做乜成日望住佢個女，突然之間覺得BB好可愛。」他自爆最叻餵奶，並讚女兒乖巧，不斷說：「我真係好幸福！」