阿Sa感恩有工開唔再揀戲拍
蔡卓妍（阿Sa）早前為TVB娛樂新聞台節目《StarTalk》擔任嘉賓，大談拍攝英皇電影《聖荷西謀殺案》感受。她直言很開心與導演潘源良合作：「導演成日情緒好高漲，拍完每個Shot都好High，好開心導演拍到我對腳好瘦。」
阿Sa表示很高興與不少好戲之人合作：「拍戲嘅時候，我唔敢嘈住其他演員，好似佟大為有好多場口都要用力同好沉重，我係一個喊得快去得快嘅人，我一路喊，喊喊吓就會喊唔出，所以見到佢哋拍喊戲，就更加令我佩服。」她續稱：「近年我處於一個幾好嘅狀態，發現做嘢係要着住個摩打先得，摩打唔可以停太耐，因為再起步會窒住。之前有一、兩年我揀戲拍，因為唔想畀人睇死，後尾發現有得做就好做，唔好諗太多嘢，依家啲戲真係買少見少，有人搵就做。」