J.Arie狠心自殘滿手腥臭

J.Arie（雷深如）早前推出新歌《雙面哈菲》，一手一腳製作MV，當中有不少自殘鏡頭，包括用鐵鉗拔指甲及刀插手指罅，還有手捧豬心等，畫面令人心寒！J.Arie坦言花了很多心機構思：「成個拍攝過程，包括前期同後期都係我一手一腳去做。點解會有自毀鏡頭？因為首歌有一句『狠，自毀一般需要狠』，所以揀咗幾種自毀方法去拍。至於道具方面，鐵床架、床褥同麥皮蟲都係拍之前買，豬心、豬腸就係拍嗰日喺街市度搵。當日30幾度，啲嘢都臭晒，拎嘅時候真係成手腥臭，而麥皮蟲都咬到我隻手出血。不過能夠拍出精神分裂、豁出去嘅感覺，對於作為呢個MV自編自導自演嘅我嚟講，一切都OK嘅。」