李施嬅激戰山聰 親熱戲多到悶

忙於拍攝無綫劇《金宵大廈2》的李施嬅，昨日向劇組請假一小時，出席慧妍雅集可重用口罩捐贈行動，認真有心！昨日是《金》劇首集播映一周年，她打算與陳山聰慶祝請飲嘢，提到《金2》有很激的親熱戲，她說：「幾激，不過簽咗保密，唔講得，個古仔都好盡，有10個單元，我同陳山聰穿插，親熱戲多到悶，麻木咗，係幾大挑戰！（尺度大？）第一輯都有替身露大背脊，監製知我怕醜，所以今次都有替身，真係替我個『身』。（替你前定後？）唔知呀！（山聰唔要求你親身上陣？）佢唔會o架！」又笑指山聰比她專業，因為替身沒有他的靚身形。