王敏奕踩入樂壇匿房仔追夢
演員王敏奕昨日宣布加盟星夢娛樂，由演員變身樂壇新人，重燃唱歌那團火，並頻頻走入衣帽間練歌。近期接連拍攝無綫劇集的她，否認簽星夢是為將來爭「視后」鋪路。
王敏奕昨日在將軍澳電視城出席加盟星夢娛樂記者會，無綫高層杜之克、余詠珊現身支持。自細學彈琴、唱歌的王敏奕一直懷着歌手夢，只是沒有機會，今次因緣際會，星夢老闆何哲圖與她的經理人熟稔而促成合作，喚起她心中唱歌那團火：「何哲圖搵我，心諗係咪真o架，但係好快已經去試音。」
王敏奕指老公曾國祥對於她追夢自然支持，現正加緊練歌，為免聲浪打擾，會匿在衣帽間唱歌。講到曾志偉與余詠珊曾傳不和，會否感到尷尬？她說：「係咩？冇聽過，做呢行要睇緣分，只要畀心機努力就會好好。」
排場輸畀JW
近期接連為無綫拍劇，被問到加盟星夢是否為了爭「視后」？王敏奕說：「唔夠膽諗，簽星夢主要音樂發展，簽之前已經一路有拍劇。」她亦否認要爭做星夢一姐，只希望盡快有作品面世。
早前JW加盟星夢時排場十足，今次卻未有同門撐場，王敏奕明白目前環境：「疫情下好難請好多人嚟。」說到加盟星夢後便不能拍攝其他電視台劇集，她承認今次是酬勞合理。