JW驚青唔敢幫手湊B
歌手JW、何雁詩與鄭俊弘等前晚在將軍澳電視城錄影節目《流行經典50年》，JW的家姐早前誕下B仔，榮升姨姨的她表示有幫手湊B，問可有做陪月？她說：「冇，因為BB太細，抱上手好驚。我做完新冠肺炎檢測，冇事先去探BB，全程仲戴住口罩，同不停用BB消毒液搓手。」
今集主題是旅行歌曲，何雁詩希望去瑞士度蜜月，未婚夫鄭俊弘即說：「老婆想去邊就去邊！」並透露婚禮定於11月7日舉行，但要視乎疫情發展，何雁詩坦言開始感壓力。問會否先「造人」？她笑說：「有啦！已經有花仔花女，就係我對狗仔！」而姊妹團則包括陳瀅、蔡思貝及賴慰玲等，陣容夠晒熱鬧！
