可宜畀未婚夫狂操剝剩Bra
ViuTV中英混血兒主持可宜，即將在今年底下嫁有港版「流川楓」之稱的「甲一籃神」鄭錦興。今年7月榮升健身室老闆的鄭錦興，親自擔任未婚妻的私人教練，希望她能在結婚時以最佳狀態示人，近日安排連串地獄式訓練！期間，可宜操到「㷫合合」，脫去上衣露出Sports Bra，大騷纖腰及「事業線」，胸壓在瑜伽球上，但一度失去平衡鬧出笑話。
幫手做生招牌
經過約1小時多訓練，可宜雖然獲准休息，但仍不時在健身室自拍，又試玩各種訓練器材，叫未婚夫幫忙在旁邊拍照，其後還處理公司文件，非常落力。
升呢老闆娘的可宜昨日接受本報電話訪問，透露沒有入股未婚夫的健身室生意，純粹想做「生招牌」幫忙宣傳：「咁佢都係開咗間健身室冇耐，再加埋年尾結婚，所以叫佢幫我喺短時間操Fit啲！（見你影相又睇文件？）係呀！影定啲相上載去社交網宣傳吓，睇文件都係幫吓眼，但我冇話事權！」又表示健身室早前已再度營業：「好多人嚟做運動，可能大家都冇做運動太耐！」
