好在冇事！倪晨曦佗B仆落樓梯

懷孕8個月的藝人倪晨曦，向來愛分享生活日常，日前她拍片回憶發現懷孕的經過，原來驚險萬分！她上載一段跳樓梯舞跳到仆親的短片，自爆當時未知已懷孕，諗起都一額汗：「如果知道，我真係嚇親。跌完之後我仲狂笑，笑完冇人理我，所有人喺廚房，我媽仲問『你跌親呀？』，如果嗰陣有咩意外，我會好自責。」

由加拿大返港進行家居隔離期間，她懷疑有孕，拜託未婚夫幫忙買驗孕棒，完成隔離後再找醫生確認才公告天下：「因為我喺網上睇到話宮外孕都會Check到係有咗，所以我去睇醫生時，已經係第9周。」

倪晨曦重溫仆低的短片時都覺得牙煙，慶幸胎兒平安。
  • 倪晨曦重溫仆低的短片時都覺得牙煙，慶幸胎兒平安。