由黃翠如、高海寧、陳瀅及鄺潔楹等主演的無綫新劇《七公主》近日煞科，陳瀅於社交網站上載照片，一眾演員於藍天碧海背景下笑容一致，她表示：「最難忘其中一場燒嘢食戲，我哋仲要着長袖戲服，加埋差唔多40度，熱到差啲中暑。」而丁子朗表示：「今次真係好好嘅回憶，我能夠一次過同咁多位公司最當紅嘅女演員合作，機會難得，佢哋個個都好好，仲好包容我呢位新丁。」其實拍《七》劇期間，他已投入另一新劇《金宵大廈2》的拍攝：「咩劇情未講得住，只可以話我演外賣員。咁啱撞正疫情成日叫外賣，希望喺外賣員身上取經。」
另外，鄺潔楹於《七》劇飾演一名事務律師兼劍擊手，為了投入角色，花了不少時間練劍。她於社交網上載拔罐舒筋活絡後的相片，留言：「（煞科）第一件做的事，不是大擦一餐，而是去拔罐，好黑！好爽！」