林凱恩鍾意塞爆化妝袋

在劇集《愛.回家之開心速遞》飾演「譚育英」Bonnie的藝人林凱恩,罕有大搜查公開隨身法寶,想不到她隨身物品都以實用為主,離不開劇本、紙巾及消毒噴霧等,而最亂的竟是其化妝袋,連拉鏈都未拉好:「我唔係一個好花俏嘅人,都係實用為主,最鍾意就係裝爆個化妝袋,咩都唔好諗,放晒落去就算!」

另外,她自爆擁有兩部手提電話,其中一部的作用竟只為用來扮靚:「因為電話後面係鏡面,方便我放落褲袋,拍劇時拎出嚟照吓個樣。」