專溝有錢女？馬貫東：埋沒咗我努力
上位小生馬貫東早前被揭有富貴女友Christy，對方更曾與另一小生朱敏瀚拍拖。近日馬貫東再被指專溝有錢女，前度Queenie Kwok家中經營海鮮批發生意，每次旅行的住宿使費都由她出錢，她更對馬貫東服侍周到，開車管接管送，但二人因女方父親反對而於去年中分手。
對於被指是「軟飯王」，馬貫東昨日說：「所見到嘅報道都不是事實，對唔係事實嘅消息都不想回應太多，唔想將事情繼續發酵，愈描愈黑。我一向對感情事低調處理，希望保護另一半，而對方亦明白。尊嚴很重要，現在我所擁有嘅嘢都係我用呢14年時間，默默耕耘努力換來，唔希望失實報道埋沒咗我14年嘅努力，我現在只想專注事業，做好自己本分，希望將來可以畀更好嘅嘢屋企同另一半。」