謝嘉怡疑似裸照撒網 胸無大「痣」還清白
以「過江龍」身份從英國返港參選港姐的謝嘉怡，以大熱姿態當選雙料冠軍，其可愛性格贏盡各方讚賞。但人紅是非多，一張疑似她的裸照於網上瘋傳，經其提名人肥媽「驗明正身」後，發現相中人胸口的痣和牙齒潔白度兩大疑點，斷定並非謝嘉怡！
《2020香港小姐競選決賽》上月底圓滿結束，賽前大熱的25歲海外佳麗謝嘉怡艷壓群芳，兼奪「最上鏡小姐」成為雙料冠軍。身高1米60的她樣子甜美可愛，身材勻稱，加上性格貼地，贏盡各方掌聲。作為提名人的肥媽非常疼錫謝嘉怡，除了因為「由細睇到佢大」外，當年多得謝嘉怡父親於英國照顧其因交通意外受傷的兒子，故得知對方當選冠軍後，即炮製世姪女最愛的排骨飯作慰勞！
牙齒潔白度不同
不過人紅是非多，近日網上瘋傳一輯疑似謝嘉怡的裸照！爆料人指該輯相攝於2017年大埔南坑村，相中女子外表洋化，似是混血兒，的確與謝嘉怡有幾分相似。不過發現兩人最大不同之處是，相中人胸口有痣，反觀謝嘉怡只得頸上有痣；而相中人的牙齒很白，與謝嘉怡的灰門牙有別！她曾解釋門牙灰白原因，是童年在公園跌親所致。
港姐形象不容破壞
昨日肥媽受訪，看完相片後力證相中人不是謝嘉怡！她表示看着世姪女成長，一定不會認錯人：「都唔係佢個樣！佢個鼻尖過相中人，同埋睇啲牙就知唔係佢，多餘啦！其實謝嘉怡依家紅呀，一定多人搞佢，呢行係咁o架啦！」而無綫高層余詠珊亦說：「無論樣同身材都唔似謝嘉怡，希望大家唔好單憑一張相就去破壞港姐嘅形象！其實一位港姐由參選到當選，都經過好艱辛嘅路。謝嘉怡當選冠軍除咗樣靚，佢嘅學歷亦相當好，能夠喺愛丁堡讀醫又做到護士，一啲都唔簡單。」