彭慧中30開竅 主動𢱑撈賺首期
宅男女神彭慧中擁有33C火辣身材，深得網民歡心，可惜入行10年來一直被投閒置散，為人熟悉只有婦女節目《都市閒情》，不少網民都認為大才小用。去年踏入3字頭的她終於開竅，決定不再守株待兔，主動出擊爭取工作機會，揚言要努力賺錢圓「上車夢」！
31歲的彭慧中2010年參選港姐加入無綫，轉眼間已入行10年。主力擔任主持的她多年來工作寥寥可數，除了最近有份主持《我要做業主》外，就只得由4年前開始主持《都市閒情》、現已轉為《流行都市》的婦女節目。
報班苦練口才
樣靚身材正的她始終不受重用，網民替她大感不值，彭慧中一直默默耕耘，謙稱口才不了得：「對比其他同事，我嘅口才唔算特別好，所以報讀過一個公開演說課程，訓練口才。當時要拍外景飲食節目，我想學多啲詞彙形容食物，唔想淨係講『菜有菜味、雞有雞味』。」
近日彭慧中在《我》吸取買樓經驗，不知不覺間以置業為人生目標：「我一直同屋企人住，以前齋諗唔會實行，但係踏入30歲，就好想有自己嘅物業！」她坦言目前未有足夠能力應付7位數字的首期：「依家要努力賺錢，我想靠自己！雖然屋企人有物業，但我唔想攤大手板。以前後生比較被動，冇諗過需要咁大筆錢，依家會主動啲爭取工作機會。」
自認貪玩唔過火
入行初期她被爆喜愛夜蒲而影響形象，近年似乎修心養性，轉行知性路線，她卻自爆：「我依家都好貪玩(口架)！」續說：「身邊熟我嘅人都知我外向，但唔係爛玩。我又唔會好驚出街畀人影，我想做自己，但當然唔會做太過分嘅事。」