女兒帶譚炳文「最後上班」

患肺癌的「配音王」譚炳文上周六病逝，終年86歲。女兒譚淑瑩昨日返電視城為父親執拾個人物品及傾談後事安排，譚炳文生前雖在加拿大買了墓地，但女兒昨日稱因新冠肺炎疫情，她來回要作檢疫隔離不太方便，最後決定將父親遺體在港火化，待疫情放緩後再運骨灰返加安葬。她說：「其實疫情都唔想高調辦爸爸後事，一切從簡。（返公司幫爸爸執嘢？）係，爸爸太鍾意呢份工，今日特別孭佢平日用嚟返工嘅袋，入城同離開都拍拍個袋，同爸爸講：『返埋今日退休喇！』等佢釋懷！」她表示入城有同爸爸生前的配音組同事見面：「代父請佢哋同保安組食西餅，因為佢哋好照顧我爸爸。（後事安排？）無綫會協助，好似追思會同場刊等，因為疫情唔會公祭，出殯日期未定，希望中秋節前。（有冇特別物品陪葬？）會畀個配音耳機佢一齊上路！」