龔嘉欣
當年做模特兒去日本影相，帶咗好多衫、日用品，搞到個篋好重，去到酒店房要將個篋放上行李架，當時自己搬上去放得唔好，個篋跌咗落嚟壓到腳面腫咗。嗰次之後，唔會放咁多嘢喺篋度。
蔣家旻
2016年我去蒙古拍旅遊節目，嗰陣發生交通意外，架車左閃右避，之後我成個人彈上車頂，撞到個頭腫咗。不過返到香港我冇睇醫生，都係等慢慢消腫。
羅仲謙
幾年前我喺內地拍劇收工坐劇組車返酒店，嗰陣大約深夜11點，點知突然撞車，對方架車翻轉咗，我整親膝頭哥，去咗醫院照X光，冇乜大礙，對方亦冇事。好彩當時有同事喺身邊，唔係都幾徬徨。