楊天宇離遠𥄫惠英紅偷師
現年25歲的英皇藝人楊天宇（Angus）2017年入行，主力拍戲及拍劇，問到想挑戰甚麼角色？他說任何工作都想嘗試，特別是與自己反差大的角色，高大靚仔、周身肌肉的他甚至不介意演醜男、宅男，笑說：「始終係演員，有得發揮就好想去試。」
提到公司前輩眾多，他不諱言以影后惠英紅為學習對象：「好鍾意佢，之前同佢拍咗套關於賽車嘅電影，佢做我阿媽，拍咗幾日已經感受到佢喺片場嘅專業、散發出嚟嘅氣場，咁啱年頭又同佢拍咗套戲，有幾場同場，對佢更另眼相看。（有冇過幾招畀你？）因為片場繁忙，好少機會傾偈，但佢一埋位，我就會喺遠處偷望佢偷師。」Angus即將拍攝驚慄電影，坦言很興奮，因為好喜歡看靈異片，睡前更愛關燈上網聽鬼故事。