亞姐防疫決賽前要測「炎」
《2020亞洲小姐競選》十七位香港區準佳麗昨日在旺角分組鬥廚藝，羅紫甄與林海茵缺席。席間亞視高層陳偉傑表示將會安排佳麗在決賽前進行新冠肺炎檢測，保障安全，亦鼓勵佳麗參與政府的全民檢測。
何雙妍與蔡小蝶受訪時讚大會防疫措施做得好好，排練時要戴口罩，上車前亦要探熱及消毒。提到下廚，何雙妍笑言只會煮氣炸鍋系列菜式，又指拍攝時煮薑葱炒蟹煮得有點燶，講到可競逐「暗黑廚后組」，她笑說：「都煮得可以嘅，放得入口㗎！（男友對氣炸鍋菜式有咩評價？）佢對我呢方面冇乜要求，最緊要係人靚就得，哈哈。」她又自言才藝比廚藝好，才藝表演會跳性感的肚皮舞搶分。
高文君與陳美濤同組，香港大學歷史系博士的陳美濤讀書滿分，廚藝卻零分，她笑說：「我完全唔識煮嘢食，入廚房只係識得煲水，平時都係叫外賣多，都有幫手洗碗。」高文君則透露才藝表演唱歌，近期努力學習普通話。