湯怡恨拋開女神包袱 演狠毒奸角
英皇藝人湯怡於熱播劇的角色非常可愛，獲不少網民激讚。導演葉念琛「未卜先知」，在劇集播映前已睇中湯怡做「女一」，更表示會度身設計不一樣的角色給她，要令觀眾耳目一新！能得葉導如此厚愛，湯怡大呼開心，揚言想跳出框架，嘗試演狠毒或打女角色！
湯怡近日於無綫劇《反黑路人甲》成功彈出，該劇開播前，導演葉念琛已邀她成為新一代「阿寶」，擔正英皇電影《盲女驚魂》。由於湯怡近期人氣急升，故今次演新戲備受注目，葉念琛滿有信心表示：「既然大家都覺得佢係女神級代表，喺嚟緊嘅新戲中，無論演技同角色設計，都會帶一個意想不到、從未見過嘅湯怡畀大家。」
接受不同挑戰
該片日前開鏡拜神，除了葉導與湯怡，還有何珮瑜及孫慧雪。對於成為新一代阿寶，湯怡笑言：「我由細就睇葉導演嘅電影長大，佢搵我演呢個角色，當然非常開心，期望導演可以為我設計從未演過嘅角色，尤其同自己性格反差大一啲，我幾渴望演好似《宮心計》嘅狠毒奸角，又或者硬橋硬馬嘅打女。」
提到她於《反》劇中的一場床戲成為話題，問到於新片中會否有進一步突破？她說：「我覺得演員要突破嘅話，就一定要嘗試。《反》劇仲有一場我被吊喺27樓高嘅欄杆之外，雖然可以用替身，但我覺得親身上陣，效果一定更好。唔好睇我外表柔弱，其實我幾硬淨，願意接受唔同挑戰！」
想做絕世好女友
繼李佳芯與唐詩詠後，斯文兼懂下廚的湯怡被網民讚是「絕世好女友」，她對此表示：「咁樣講啦，兩個人相處一定要磨合，我睇到朋友拍拖，同平時跟我相處嘅佢完全唔同，經常毫無道理搵交嗌，令我時刻提醒自己，下次拍拖應該用乜嘢態度去解決問題。希望喺未來男友心目中，我真係可以成為一個絕世好女友！」