陳勳奇榮升爺爺心急見孫
曾拍攝《飛鷹計劃》、張栢芝與劉曉慶主演《楊門女將之軍令如山》等電影的導演陳勳奇（Frankie），2014年經歷喪女之痛，2016年更發現患上罕見的甲狀腺未分化癌，一度瘦了32磅，幸他最終靠堅毅意志捱過痛苦，走出人生陰霾。
聲帶受損
近日傳來喜訊，Frankie的兒子做老竇，新抱為陳家添男孫！榮升爺爺的Frankie受訪時開心說：「BB是帥哥一名！」又指現於內地趕拍網劇《命運網約車》，未能第一時間返港見孫仔：「幾十年嚟，今日先有一種成熟感，覺得生命的可貴，緊張個仔如何教導孫仔，同埋希望佢懂得珍惜呢份幸福時光，好好享受家庭生活。」
問到健康狀況？他說：「大致上已經康復，只係聲帶被癌細胞破壞後，再做咗33次放射治療，聲帶嚴重被傷害，所以到依家嗓音都係沙啞無力，希望將來可以回復以前嘅宏亮音色。」