林淑敏許家傑行孖咇急「認錯」！
無綫處境劇《愛．回家之開心速遞》演員昨日出席七夕活動，林淑敏日前被拍得收工後與許家傑一齊剪髮、行街及食飯，被指戲假情真，她即認錯：「我有少少唔啱，依家出街唔同以前，疫情緣故應該謹慎，剪完髮就返屋企，唔好行街！（老公有冇呷醋？）佢話：『你就好啦，有街行！我好悶。』」她強調雙方只是好友，又透露會與老公過二人世界慶祝七夕。
而許家傑坦言合作3年，視對方為家人，不會因為報道而影響友情：「我哋收工後會繼續食飯同對劇本。（唔怕女友呷醋？）女友冇所謂，佢知道係做完嘢食餐飯。」
至於林凱恩日前獲好姊妹江嘉敏和鄺潔楹等大搞驚喜派對慶生，對於有網民指江嘉敏透過她結識有錢人，她表示：「唔關事，我係無辜，我畀佢哋『利用』，滿足想見我嘅欲望。（你有冇叫富貴朋友介紹異性畀你？）唔使，靠自己好啲，我等佢哋有錢再輪流養起我。」