余德丞不時拍片分享生活日常，近日就獻上品嘗「叮叮食物」的初體驗！他專程駕車過海買兩款新口味的餸菜，未食過「叮叮食物」的他笑言：「我會唔會搞到廚房爆炸？」見他小心翼翼剪開包裝袋，但似乎未用過微波爐，聽到「叮」一聲後嚇到狂叫「哎呀」！
搞完一輪，他終於成功加熱兩款「叮叮食物」，笑言似足自家炮製。他大讚水煮牛肉好味，後悔冇加錢配白飯，搞到冇得撈汁食飯。不過麻辣雞煲就「中伏」，嗜辣的他直言完全沒辣味！家住跑馬地的他意外將2,000萬豪宅曝光，客廳開揚，擺放了兩張大梳化，更見到放有其拍廣告的人形紙牌。