廖慧儀被鬧「姣婆」孖男友寸爆網民

大熱入圍的「狂野空姐」廖慧儀，一早自爆有男友Sam，參選期間獲男友管接管送，就連對付毒舌網友，也一樣聯手出招！連日來，她在網上呼籲網民投票，但有人竟留言：「大家小心d呢個尿慧儀，周圍勾引男人，好賤格的，絞（姣）婆一個」，廖慧儀隨即反擊，嘲笑對方錯字百出：「讀好d書，學下（吓）寫字先」，其男友也加入戰團，留言：「你地（哋）發表咁有品既（嘅）言論，不停侮辱一個你地（哋）不相識既（嘅）人，然後再話人串（寸）你打錯字，好無品」，網民大讚Sam愛護女友，又封廖慧儀「最敢言港姐」！