侯嘉欣恨做幕前 馮盈盈歡迎搶飯碗
馮盈盈前晚在將軍澳電視城主持節目《#後生仔傾吓偈》，訪問一班落選港姐，她透露有佳麗希望加入節目，笑說：「睇嚟睇去都係我哋，都悶啦！好歡迎加入，唔怕被搶飯碗。（加入有咩條件？）講嘢要爆過我，咁多年嚟都有啲攰喇，好想有新人，有啲爆炸性言論，取代我都冇問題。（睇好邊個﹖）賴琦媛好有潛力，仲係一個比較真嘅女仔；羅雪妍就性格爽朗，不拘小節。」
賴琦媛放縱狂瞓
賴琦媛與侯嘉欣透露落選後暫時放縱自己，賴琦媛連日狂瞓，每日都瞓到自然醒；侯嘉欣則放肆大吃，因近兩個月為選美而戒口Keep Fit，她說：「反而瞓唔到好多，因為慣咗選美時嘅節奏，每朝都好早醒。」她希望有機會做幕前，因參選以來累積了支持者，不想他們失望。
此外，談及「電競女神」Rose Ma有疑似床照流出，好友馮盈盈說：「同佢識咗好耐，但人哋嘅事唔清楚詳情，唔知發生咩事，唔回應太多。」而Rose Ma經理人昨日透過其社交網發聲明，表示正就事件尋求法律意見，不便回應。