陳浩民兩肋插刀「放監」撐麥包
麥長青（麥包）和陳浩民日前相約劉玉翠到錄音室做直播訪問，以契哥契妹相稱的三人，難得聚首話題滔滔不絕。阿翠見浩民在內地直播平台甚受歡迎，更要求客串做嘉賓，一齊跳舞玩吓。一向百足咁多爪的麥包，今次搞直播頻道，得知浩民剛從內地返港，甫放疫監便答應出席，完全是兄弟情兩肋插刀。
問到浩民坐「疫監」可覺得辛苦？他說：「返內地開工前，喺酒店隔離其實唔辛苦，好舒服(口架)，拍吓短視頻就當做咗嘢，一日三餐準備好飯盒，其餘時間我都係煲劇、睇老婆直播，已經好充實！不過，返到香港隔離就唔同，完咗隔離，同屋企仔女相處好長時間，每日都畀四個仔女炸，畀着我係會崩潰。老婆成日叫我唔好嬲，令我知道佢平時湊四個小朋友嘅辛苦。」