陳庭欣遭愛雀咬爛「豪宅」

飼養鸚鵡多年的無綫「咪神」陳庭欣（Toby），首次公開愛雀的「豪華」家居！片中見Toby為愛雀洗白白，不停噴水：「呢個係高級享受！佢好鍾意浸浴，花灑沖涼都鍾意，佢覺得好舒服！」至於愛雀「家居」食玩齊備，她說：「籠旁邊放咗撈好咗嘅糧，又有紙巾方便抹便便，仲有一盤鸚鵡蛋，係我嘅愛雀生(口架)，另外見到個籠同塊板都爛咗，因為佢哋會咬爛！」
陳庭欣片中叫愛雀「將軍」出來與觀眾見面，但牠怕醜唔肯！
陳庭欣片中叫愛雀「將軍」出來與觀眾見面，但牠怕醜唔肯！

至於愛扮靚的Toby，亦將其首飾櫃曝光人前，見有逾百對耳環，又有眼鏡，款式齊備！她自爆有收集耳環的習慣，所以特別訂造首飾櫃，分開兩層擺放隆重或悠閒款式耳環，方便選擇佩戴：「我由拍電視劇《兄弟》開始！因為短頭髮要戴耳環，另外一邊就放太陽眼鏡。」

收藏逾百對耳環，特別訂造首飾櫃存放。
  • 收藏逾百對耳環，特別訂造首飾櫃存放。