張沛樂打「散工」吊命

張沛樂疫情下工作量大跌，要勒緊褲頭過日子。

早年憑33E上圍打響名堂的張沛樂（沙律），一直工作不斷，惟近日受疫情影響，收入減少，每月3萬多元的租屋、交通及其他生活開支，令她感到吃力，但慶幸尚算可以維生。她透露現時儲蓄有6位數字，但由於前景未明朗，擔心「坐食山崩」，故背負很大壓力。幸好信譽良好的她獲廣告客戶支持，斷斷續續有收入捱過去，令她感到人間有情，她說：「好好彩仲接到啲廣告，其實依家有工開已經執到，我唔係個追求奢侈品嘅人，所以交到租、負擔到日常生活開支就OK。」

• 主持的旅遊節目年初播畢後，只剩零星廣告工作。

做手術告別「四眼妹」

為方便工作及擺脫450度大近視帶來的煩惱，她早前接受激光矯視手術：「戴咗隱形眼鏡13年，早前檢查發現眼角膜唔平均，做節目戴眼鏡會好冇自信，所以為咗將來把心一橫！」回想起過往的四眼妹歲月，她說：「喺新西蘭讀中學時，曾經喺球場『食波餅』，眼鏡框斷咗，好尷尬！」但她笑言當年的四眼Look無損異性緣：「有啲男仔反而好鍾意我戴眼鏡同素顏，覺得好得意、好自然，或者係一件好事，咁樣係真愛！」