馮盈盈唔怕蝕底 王浩信：為藝術犧牲

馮盈盈不清楚在內地版海報「被消失」。

王浩信、馮盈盈、高海寧（高Ling）、張振朗與湯怡等昨日出席無綫劇集《反黑路人甲》宣傳，期間分組鬥演技，當中以振朗反串穿婚紗，與賴慰玲騎電單車重演經典電影場口最為搞笑，還失平衡幾乎炒車。

有指因早年發表社會運動言論，馮盈盈於《反》劇內地版海報「被消失」，她只說：「真係唔清楚，作為演員專心工作。」談到劇中露Bra之餘，又要讓浩信把頭放在雙腿之間，她笑言不覺得蝕底：「劇情講我帶嚟好多麻煩，係劇情需要啫！」浩信則笑說：「拍喜劇係要為藝術犧牲，入面有好多滑稽嘢，都係引觀眾笑。」對於被譚詠麟讚劇中表現有如黃子華及周星馳混合體，浩信說：「唔敢當，兩位都係我偶像，收到前輩嘅鼓勵都開心。（但有傳得到譚詠麟『加持』係『死亡之吻』！）希望我福大命大啦！我又未聽過呢個講法。」談及太太陳自瑤的社交帳戶遭黑客入侵後順利取回，他坦言有安慰對方：「拎得番係好事。（太太晒性感相派福利！）回饋粉絲應該嘅！」

王浩信獲讚夠喜感，拍得住兩大笑匠！	王浩信將頭枕落馮盈盈的雙腿間，惹人遐想！	張振朗着婚紗反串，全場爆笑！

張振朗着婚紗爆笑彈

至於首次着婚紗的振朗令全場爆笑，問到為何不裝胸？他笑說：「呢排操背肌操到好厚，再塞埋嘢驚會爆，同埋個胸會勁過高海寧。」又透露劇中會扮學生妺：「驚觀眾打爆電視，今次係我從影以來最恐怖嘅一幕。」

另外，高Ling玩遊戲時忘形烏身，結果不經意輕露事業線。談到演出的內地劇《三十而已》令其人氣急升，問到酬勞是否幾級跳？她說：「冇咁嘅事！但就有製作公司搵我，要睇公司安排。（想開拓內地市場？）有機會都想試吓。」