連詩雅陳家樂行孖咇 公司畀空間發展
藝人陳家樂與連詩雅月前傳出戀情，近日再被本報踢爆結伴Shopping，家樂就「拍拖」一事回覆：「平日好少去嗰度，嗰日咁啱途經又想買少少嘢啫，唔係逗留好耐，多謝關心。」繼續未有正面回應感情事。
至於連詩雅經理人公司表示知道兩人相約行街：「我哋好信任自己嘅藝人，佢工作時好盡力、投入做嘢，有時間又冇工作在身，同朋友行吓街，放鬆吓心情OK嘅。佢哋因為合作節目成為好友，大家有共同興趣及話題，相處投契。（咁係咪拍拖？）唔係特登澄清，佢哋冇拖手，希望大家畀少少空間佢哋啦！」
另外，據知連詩雅將客串無綫重頭劇《金宵大廈2》，與胡鴻鈞合演同一單元，兩人將發展一段淒美愛情故事。