以前好多奮鬥故事都係講男主角嘅屋企受奸人所害而家道中落，搞到由少爺仔變成低下階層，之後再白手興家，重振家族聲威。而火將Rosiel呢位Cosplay界紅人由老闆娘變成女僕招呼客人，究竟係咩原因呢？
日本寫真界有好多女優都有另外一個身份，例如演員、歌手，甚至係牙科護士、立飲店店長，至於Cosplayer亦係好多寫真女優嘅熱門兼職，好似巨乳貓目少女青山光就係其中一位。提到貓目，今日同大家嘅見面嘅火將Rosiel亦同貓有關！
佢天生小臉，同時有一副纖巧身材，不過就唔係骨瘦如柴，胸前更擁有一對脹卜卜嘅E奶，拍攝寫真時擺出各種姿勢都凸顯身材曲線美。而火將Rosiel嘅吸引之處仲有一張嬌俏嘅面孔，而且姣味十足，對於血氣方剛嘅後生仔嚟講，可以話有一種難以抗拒嘅魅力。
2007年佢喺日本Wonder Festival模型展中出道，自此人氣愈來愈高，成為Cosplay界紅人。相信大家都覺得佢個名好特別，亦好有漫畫Feel，佢就話呢個藝名係取材自漫畫《火宵之月》及《天使禁獵區》嘅角色Rosiel。出道之後，憑住維肖維妙嘅扮嘢功夫，將動漫角色嘅魅力盡情展現，結果成功上位，之後仲擔任電影《轉生遮那巫女傳》嘅女主角，人氣一時無兩。
另外，火將Rosiel亦相當有生意頭腦，喺秋葉原開設一間貓耳女僕咖啡店，佢仲會同其他女僕侍應一樣戴住可愛嘅貓耳招呼客人，親力親為，實行自己做埋生招牌，認真抵讚！雖然阿妹平日要打理舖頭生意都幾忙碌，但係亦不忙喺寫真界發展，最近佢就為雜誌拍攝一輯「天使與魔鬼」寫真而成功引起回響，睇嚟佢喺寫真界發圍指日可待。
火將Rosiel經常發揮Cosplayer本色，以不同扮相拍攝寫真，大家Click入佢嘅社交網，就可以睇到大量阿妹嘅性感靚相，唔知邊個造型最啱大家心水呢？
網址：https://twitter.com/kasyou3roshieru
出生日期：6月19日
身 高：5呎1吋
三 圍：32E-22-33
撰文：賢